ကာလရှည် သားဆက်ခြား နည်းလမ်း (implant)

ဆီလီကွန်ချောင်းလေး ဖြစ်ပြီး တစ်ချောင်း ဒါမှမဟုတ် နှစ်ချောင်းကို ထုံဆေးထိုးပြီး လက်မောင်းထဲကို ထည့်လိုက်တာပဲဖြစ်ပါတယ်။

လက်မောင်းတွင်းထဲ့သားဆက်ခြား ပစ္စည်းမှာပါတဲ့ ဟော်မုန်းတွေက သားဥကြွေခြင်းကို တားပါတယ်။

အသုံးပြုတဲ့ အမျိုးအစားပေါ်မူတည်ပြီး တစ်ကြိမ်ထည့်ထားရင် (၃) နှစ်မှ (၆) နှစ်ကြာထိ ကိုယ်ဝန်တားပေးနိင် ပါတယ်။

• နှစ်နဲ့ချီပြီး ကိုယ်ဝန်တားပေးနိုင်ခြင်း
• ပြန်ထုတ်ပြီးတာနှင့် အလွယ်တကူ ကလေးပြန်ရခြင်း
• အလုပ်ရှုပ်သက်သာခြင်း
• လိင်ဆက်ဆံသည့် အချိန်မှာလည်း အနှောင့်အယှက် မဖြစ်ခြင်း တို့ ဖြစ်ပါတယ်။

• ရာသီလာပြီးနောက်(ရ) ရက်အတွင်း
• ကိုယ်ဝန်ပျက်ကျပြီး နောက်(ရ) ရက်အတွင်း
• နို့တိုက်မိခင်ဆိုပါက ကလေးမွေးပြီး (၆) ပတ်အကြာတွင် ထည့်သွင်းနိုင်ပြီး မိခင်နို့မတိုက်သူဆိုပါက မီးဖွားပြီးပြီးချင်း ထည့်သွင်းနိုင်ပါတယ်။

• ရာသီစက်ဝန်းကို အနှောင့်အယှက်ဖြစ်စေနိုင်ပြီး ခေါင်းကိုက်တာ၊ ဗိုက်အောင့်တာ၊ ကိုယ်အလေးချိန် ပြောင်းလဲတာ (ဝလာတာ၊ ပိန်သွားတာ)၊ ရင်သား နာကျင်တာ၊ စိတ်အပြောင်းအလဲ မြန်တာ၊ ပျို့တာ၊ အန်တာတို့ဖြစ်ပါတယ်။ အများအားဖြင့် လအနည်းကြာရင် အဆင်ပြေသွားလေ့ ရှိပါတယ်။
• တစ်‌ယောက်နဲ့ တစ်ယောက်ခံစားရတာချင်းတော့ တူမှာ မဟုတ်ပါဘူး။သားဆက်ခြားပစ္စည်းမှာပါတဲ့ ဟော်မုန်းကိုတုန့်ပြန်ပုံချင်း မတူကြလို့ပါ။ ဥပမာ တချို့ အမျိုးသမီးတွေမှာ ရှိပြီးသား ဝက်ခြံတွေပျောက်သွားကြပြီး တချို့ကတော့ ဝက်ခြံပိုထွက်လာတတ်ပါတယ်။
• အဖြစ်အများဆုံး ပြဿနာကတော့ ရာသီသွေး မမှန်တာပါ။ ပစ္စည်းထည့်ပြီး ပထမ ၆လ ကနေ ၁ နှစ်အတွင်း ပိုပြီးဖြစ်လေ့ရှိပါတယ်။ တချို့တွေမှာ အတွင်းခံဘောင်းဘီ ပေတယ်စိုရုံလေး တစက်စက်နဲ့ ရက်အကြာကြီး လာနေတတ်ပြီး တချို့မှာတော့ သွေးအများကြီးဆင်းတတ်ပါတယ်။ အများစုမှာ ဖြစ်လေ့ရှိတာက ရာသီသွေးနည်းသွားတာပါ။ ရာသီသွေးလုံးဝမပေါ်တာမျိုးလည်း ဖြစ်တတ်ပါတယ်။

• ကိုယ်ဝန်ဆောင် သို့မဟုတ် ကိုယ်ဝန်သံသယရှိသူများ
• ကလေးမွေးပြီး ၆ပတ် မကျော်သေးသော နို့တိုက်မိခင်များ
• ရင်သားကင်ဆာ သည်များ မတည့်သင့်ပါဘူး။